توجه المطرب رامي جمال بالشكر لكل من دعمه في أزمته الأخيرة منذ إعلانه إصابته بمرض البهاق، مؤكدًا أن كلام الداعمين حسّن الصورة المظلمة في عينيه وأصبح أكثر تفاؤلا .

وكتب رامي جمال عبر حسابه الشخصي على انستقرام: “أنا بقيت شايف الابتلاء هدية من ربنا عشان أشوف الحب ده.. والله دموعي ما بتوقفش وأنا بشوف كلامكم.. اوعوا تبخلوا على أي حد بدعم نفسي…”.

وشكر رامي جمال زملاءه الفنانين على دعمهم وكلامهم وتمنى أن تسود تلك الروح ليس فقط أوقات المرض والموت بل في كل الأوقات، موجها اعتذاره للقنوات الفضائية التي حاولت التواصل معه بعد إعلان إصابته بمرض البهاق ولم يستطع الرد عليهم، وتمنى استضافته من أجل عمل فني وليس المرض.

وحرص عدد من نجوم الفن، على مسانده الفنان رامي جمال بعد أن أعلن إصابته بمرض البهاق، وقاموا بتوجيه رسائل دعم وحب له وطالبوه بالاستمرار في مشواره الفني الغنائي وعدم الاعتزال.

وكتبت الفنان زينة، قائلة: ” انسان محترم ربنا يعفو عنك …للأسف احنا في دنيا مابترحمش والنَّاس بقت صعبه ياريت نحاول يكون في قلوبنا رحمة …أنت انسان موهوب يمكن أنا ماتشرفتش بمعرفتك بس قلبي معاك، واوعي تفكر تتهزم ده مرض عادي، وربنا يعفوا عنك وقول الحمد لله والنَّاس الرحيمة كتير واعتبرني من أهلك والإنسان بموهبته واحترامه وأخلاقه وبس”، وقالت الفنانة سوسن بدر:”قدر الله وما شاء فعل الرضا بيشفينا بإذن الله“.

ووجهت الفنانة لطيفة، رساله دعم لرامى، قائلة: ”  حبيب قلبي يا رامي يا مبدع يا محترم يا مختلف، اوعى تفكر كده أول حاجه لازم تقول الحمدالله على كل حاجة، دي مرض حصل لناس كتير وتعالجت منها الحمدالله وبعدين أحنا بنحبك على موهبتك وفنك الرائع وكل جمهورك وأنا منهم بنبقى مستنيين جديدك دايما”، أما الفنان عمر السعيد، قال له:” بحبك زي ما أنت “.

وقالت الفنانة إيمان العاصي،” حبيبي يا رامي أنت أقوي من أي حاجه وفنان وموهوب ونجم وكل ده ولا حاجه قصاد نجاحك وحبك لفنك ربنا يقدرك علي الناس عديمة الإحساس ربنا يخليلك ناريمان بالدنيا “.

وتمنى الفنان حمدي الميرغني، الشفاء العاجل لرامي، قائلا: ربنا يشفيك يارامي ده مش حاجه اصلاً ده الصداع أصعب منه ياخويا الناس كلنا بنحبك ️..وكل ماتشوفني أحمد ربنا وأعرف أنك في نعمة”، فيما قالت له الفنانة إيمى سالم،” كمل و أعمل اللي بتحبه و إحنا معاك وفي ظهرك“.

شاركينا برأيك

لن يتم نشر بريدك الإلكتروني